रहरको प्रतियोगिता

जो संग जे छ त्यहि देखाए 

जहाँ सबैले हेर्छन त्यहि देखाए

जहाँ आफ्नो पहुच छ त्यही देखाए 

कसैले खोलेर देखाए 

कसैले ढाकेर देखाए

कसैले उफ्रेर देखाए 

जसरि देखाए  पनि के भो र ?

आफुसंग जे छ त्यहि देखाए। 

मोडेल हुने रहर भएकाहरुले 

फेसबुकमा फोटा टाँसेर देखाए 

गायक हुने रहर भएकाहरुले 

करोके र स्मुलेमा लेग्रो तानेर  देखाए 

गाउने, नाच्ने र एक्टिंग गर्ने रहर भएकाहरुले 

टिकटकमा खिचडी बनाएर देखाए 

आखिर रहरै त हो सबैको 

त्यहि रहर पुरा गरेरै  देखाए। 

नेताले सयकडौ जनताको अगाडी 

बकम्फुसे गफ दिन हुने 

पत्रकारले पत्रिका, टि भी र  यू ट्युबमा 

जे मन लाग्यो त्यहि लेख्न र बोल्न हुने 

नायक र नायिकाले

 लिपसिन र बेडसिन दिन हुने 

गायक र गायिकाहरुले दोहोरिमा 

छाडाको पनि महाँ छाडा टुक्का हाल्न हुने 

सर्बसाघारण जनताले आफ्नो रहर पुरा गर्न नहुने ?

त्यसैले त आजकल चलेको छ 

अनेकथरिका प्रतियोगिता

रातो साडी  र गहनाको प्रतियोगिता 

जोडी, बुडी र भुडिको  प्रतियोगिता 

बाटो देखि बाथरुम सम्मको लाइभ प्रतियोगिता 

फुलेका दाड़ी र खुइलियएका तालुको प्रतियोगिता 

राम्रा, बलिया र अब्बल प्रतियोगिता 

नाङ्गा, बाङ्गा र लफङ्गाहरुको प्रतियोगिता 

केवल आफ्ना आफ्ना रहरहरुको प्रतियोगिता।